Vizita e parë në Tiranë, Rama pret kryeministrin britanik: Bashkëpunim strategjik mes dy vendeve

11:28 | 15 Maj 2025
E.K

Kryeministri shqiptar, Edi Rama priti me ceremoni zyrtare kryeministrin e Mbretërisë së Bashkuar, Keir Starmer.

“Për herë të parë në Shqipëri, kryeministri britanik Starmer zhvillon këtë vizitë zyrtare në kuadër të forcimit të marrëdhënieve dypalëshe dhe bashkëpunimit strategjik mes dy vendeve”, u shpreh Rama.

Në ceremoninë e organizuar përpara Kryeministrisë, pas ekzekutimit të himnit të Mbretërisë së Bashkuar dhe Himnit Kombëtar të Shqipërisë, Rama dhe Starmer vijuan takimin në ambientet e brendshme të Kryeministrisë.

Pas takimit, Rama dhe Starmer do të dalin në konferencë për mediet në orën 12:40.

Vizita e Keir Starmer i paraprin edhe Samitit të Komunitetit Politik Evropian, i cili do të mbahet nesër në Tiranë, më 16 maj./atsh.al